भेरी बबई डाइभर्सन बहुउद्देश्यीय आयोजनाको टनेल बोरिङ मेसिन (टिबिएम) प्रविधिको प्रयोग गरी निर्मित सुरूङको ब्रेक-थ्रू समारोह मंगलबार कर्णाली प्रदेशमा आयोजना गरिएको छ। चीनको सीआइसी र चाइना इञ्जिनियरिङ ओभरसिज प्रालि (कोभेक)को संयुक्त निर्माणमा बनिरहेको आयोजना समयभन्दा मोटामोटी १ वर्ष अगावै निर्माण सम्पन्न हुन लागेको छ।

समारोहमा प्रधानमन्त्री केपी शर्मा ओली यो मात्रै नभएर नेपालभर यस्ता राम्रा परियोजना निर्माण गरिने प्रतिवद्धता व्यक्त गर्नुभयो। चिनियाँ सहयोगले यो परियोजना निकै सजिलो भएको उहाँले बताउनुभयो।

नेपालका लागि चिनियाँ राजदूत होउ यानछिले चीनले नेपालको राष्ट्रिय गौरवको आयोजनाको निर्माण कार्य पूरा गरेकोमा प्रसन्नता प्रकट गर्नुभयो। उहाँले भन्नुभयो, ‘यो परियोजना नेपालको पहिलो आन्तरिक जलस्रोत परियोजना र पहिलो सुरंग बोरिंग मेशिन परियोजना हो र पनि नेपालको राष्ट्रिय प्रतिष्ठा परियोजनाहरूमध्येको एक हो। चिनियाँ उद्योग-व्यवसायले आफ्नो श्रेष्ठताको सदुपयोग गरी चिनियाँ बुद्धि र चिनियाँ योजना उपलब्ध गराएको छ। चिनियाँ उद्योग-व्यवसायले यो परियोजनालाई अगाडि बढाउने क्रममा स्थानीय रोजगार समस्याको सक्रियताका साथ समाधान गरेको र स्थानीय दुई हजार प्राविधिक मजदूरलाई तालिम दिएको छ।’

थाहा भए अनुसार नेपालमै पहिलोपटक टनेल बोरिङ मेसिन (टिबिएम) प्रविधिको प्रयोग गरी यो सुरूङ निर्माण गरिएको हो। यसका साथै चिनियाँ उद्योग-व्यवसायले एघार किलोमिटरको ग्रामीण राजमार्गको निर्माण गरेका छन्। नेपालको विभिन्न पक्षले उक्त परियोजनाको प्रशंसा गरेका छन्।

LEAVE A REPLY

Please enter your comment!
Please enter your name here