नारी, न्याय र निर्मला

hastalikhit.news
Read Time0Seconds

अब कुनै घरमा सरस्वती नजन्म तिमी फेरि
नत्र तिमी पनि निर्मला बन्ने छौ
जन्मे पनि काली बनी जन्म
दैत्यको शिर शिरीर अलग गर्न
अब विणा हैन
तरबार बोकेर जन्म

हैन पुस्तक कुनै
मस्तक चुड्न जन्म
अत्याचार अति भयो अब
भवानीको सिंह बनी जन्म
जन्मे पनि काली बनी जन्म
दैत्यको शिर शरीर अलग गर्न

छाउपडिमा लुकाइने अवला हैन
वीरङ्गना राजेन्द्र लक्ष्मी बनेर जन्म
हेपिदा हेपिने विचरी हैन
त्रिशूलधारी अर्धनारेश्वर बनेर जन्म
मोनोलिसा मात्रै भएर भएन
अब झासी कि रानी बनेर जन्म
जन्मे पनि काली बनेर जन्म

दैत्यको शिर शरीर अलग गर्न
पुरुषार्थको क्रुर साम्राज्य भत्काउन जन्म
कसैको पाउको जुति हैन
शिरको गजुर बनेर जन्म
दाइजोको हवनमा जलाइने चरु हैन
स्वयं कौरवकाल अग्निसुता बनेर जन्म”
हे नारी अब तिमी कसैको ओछ्यानको ताप हैन
धर्मनाम धरी पापी बिनाशी श्राप बनेर जन्म”
गर्भधरणे महान माता मात्रै भएर भएन

गर्व गर्ने छोरी बनेर जन्म”
रक्त हातमा दलि पुरातन भित्ता पोत्न जन्म
स्वस्थानीको अबोध गोमा त हुँदै हैन
शिवसङ्गै लड्न सक्ने दुर्गा बनी जन्म
अब यमको पशुपास बोकि जन्म

दुर्गा,भवानी, सिंह बनी जन्म
निर्मला जन्मे पनि काली बनी जन्म
दैत्यको शिर शरीर अलग गर्न…दुर्गा,भवानी, सिंह बनी जन्म

6 0
100 %
Happy
0 %
Sad
0 %
Excited
0 %
Angry
0 %
Surprise

Leave a Reply

Your email address will not be published. Required fields are marked *

Close
Shares